«Іс бұзақылықпен шектелді»: Талдықорғанда ер адам сүйіктісін бауыздамақ болған
Талдықорғанда жігіт сүйіктісін бауыздамақ болған. Полиция істі бұзақылық бабы бойынша қозғаған. Бұл туралы Orda.kz хабарлайды.
28 жастағы Адина Қуанбекқызы 27 қазанда соққының астында қалғанын айтады. Сауда үйінің алдында ер адам қызды ұрып-соғып, содан кейін оны құлатып, тұншықтырған. Бұл сауда үйінің бейнебақылау камерасына жазылыпты.
Жақын маңдағы салон қызметкері көмекке келген, бірақ шабуылдаушы оған да соққы жасаған. Содан кейін ер адам кеңсе пышағын алып, қыздың кеңірдегін кеспек болған. Қыз қорғанып жатқанда, қолы жарақаттанған. Кейін қаскөй жәбірленушінің шашынан тартып, бірнеше рет мойнын кесіп, қашып кеткен.
Адинаның жедел жәрдем мен полицияны өзі шақырған. Қыз Талдықорған облыстық ауруханасына жатқызылды. Оның мойны мен қолдары тігілген.
Талдықорған қалалық полиция басқармасының қызметкерлері ҚК 293-бабының 3-бөлігі «Денсаулыққа зиян келтіру үшін қару қолданған бұзақылық» бойынша қылмыстық істі бастады.
Адина бұл жігітпен көктемде кездесіп, көңіл жарастырған. Айтуынша, басында ол өте қамқор және жанашыр болып көрінген, бірақ бір ай таныстықтан кейін Адинаны достарынан қызғанып, ұрған. Кешірім сұрап, қайталайтынын уәде еткен жігітті Адина кешірген. Бірақ мамырда, содан кейін маусымда тағы да қол жұмсаған, содан кейін бұл әрекеті жиілей түскен.
Қазан айында Талдықорған қалалық соты ұрып-соққаны үшін қызға жақындауға тыйым салды. Соған қарамастан, ол Адинаны аңдуын қоймаған.
«Ол мені бауыздағысы келді! Мен одан балаларым үшін мені өлтірмеуін өтіндім. Содан кейін бауыздамай, тілімдеумен шектелген шығар. Бірақ Талдықорған полицейлері мені тыңдағысы келмейді, оның бұзақылық жасағанын айтады. Олардың айтуынша, кеңсе пышағы суық қаруға жатпайды, сондықтан бұл ауыр қылмысқа жатпайды. Сонда ол жазалануы үшін мен өлуім керек пе?!», – деді талдықорғандық қыз.
