Елімізде жеңілдетілген ипотекалық несиелеу бағдарламасы пайда бола ма – Министр жауап берді
ҚР Өнеркәсіп және құрылыс министрі Қанат Шарлапаев Қазақстанда жаңа жеңілдетілген ипотекалық несиелеу бағдарламасының пайда болуы мүмкін бе деген мәселеге тоқталды. Бұл туралы Stan.kz ақпарат агенттігі хабарлайды.
Министр тұрғын үй нарығын дамытуда сан емес сапаның маңыздылығын алға тартты.
«Министрлік тұрғын үй сапасын жақсарту стандарттарымен, даму стандарттарымен және тұрғын үй салуға болатындай инфрақұрылымды дамытумен айналысады. Нарықты дамытудың рөлі дәл осында. Алайда, тұрақты өсімге қол жеткізбестен салаға үнемі ақша құйып отыру ұзақ мерзімді сапаны қамтамасыз етпейді. Біз енді ұзақ мерзімді тұрақты өсу стратегияларын қарастыруымыз керек. «, — деді Қанат Шарлапаев.
Ол соңғы жылдары мемлекет тарапынан құрылысқа қыруар қаржы бөлінгенін еске салды. Сәйкесінше, қаржы ағыны азайғаннан кейін құрылыс қарқынының бәсеңдеуі күтілуде. Сонымен қатар, министрдің айтуынша, нарықтағы жағдай қазір құрылыстағы шектеулерге байланысты қиындап кеткен.
«Кез келген жылжымайтын мүлік нарығы циклді. Өсу фазасынан кейін қайта баяулау әрқашан байқалады. Біздің көзқарасымыз бойынша, қазіргі динамика әлі де бізге одан әрі шешімдерді әзірлеуге мүмкіндік береді. Салаға белгілі бір уақыт қажет екенін түсінеміз. Бұл мәселемен айналысып жатырмыз. Дегенмен тағы да айта кетейін, ипотекалық несиелендіруді дамыту мәселелері не қаржы реттеушісінің, не ҚР Ұлттық банкінің құзырында», — деп түйіндеді министр.
