Мәдениет министрлігі бірқатар ведомстволық наградаларға өзгерістер енгізетін президент жарлығының жобасын жариялады, деп хабарлайды Ulysmedia.kz.
Жарлық жобасына сәйкес:
- «Елбасының қауіпсіздігін ерлікпен қамтамасыз еткені үшін» медалі «Лайықты қызметі үшін» медалі болып өзгертіледі;
- «Елбасының қорғаны» төсбелгісі бұдан былай «ҚР Мемлекеттік күзет қызметінің құрметті қызметкері» деп аталады.
Бұдан басқа, ОСК-ның «Сайлау органдары жүйесінің дамуына қосқан үлесі үшін» деп аталатын өз медалі пайда болады.
Айта кетейік, жуырда Қасым-Жомарт Тоқаев Нұрсұлтан Назарбаевты өз атымен аталатын мектептер, ЖОО және қордың жоғарғы кеңесі басшысы мәртебесінен айыратын заңға қол қойды.
Ал бірер күн бұрын Назарбаев соңғы мемлекеттік лауазымынан айырылды.
