Доллар бүгін күрт қымбаттады
Қазақстан қор биржасындағы сауда-саттық қорытындысы бойынша доллар күрт қымбаттады, деп хабарлайды Ulysmedia.kz.
KASE Қазақстан қор биржасындағы күндізгі сауда-саттық қорытындысы бойынша доллардың орташа өлшенген бағамы 516,93 теңгені құрады, бұл алдыңғы көрсеткіштен 8,43 теңгеге жоғары.
Қазір ақша айырбастау пункттерінде доллар орташа есеппен 517 теңгеге сатып алынады, 522 теңгеге сатылады.
Бұған дейін Қазақстан Ұлттық банкі 2024-2026 жылдарға арналған көрсеткіштерді нақтылай отырып, инфляция болжамын қайта қараған болатын. Ол пессимистік сипатқа ие болды.
ДОЛЛАРДЫҢ ҚЫМБАТТАУЫ
28 қарашадағы Қазақстанның айырбастау пункттерінде валюталардың орташа өлшенген бағамы белгілі болды. Доллар 525 теңгеге сатыла бастады. 18 қарашада Қазақстанның айырбастаушыларындағы доллар бағасы 500 теңгеден, ал 26 қарашада 503 теңгеден асқан еді.
Ұлттық банк осыған байланысты интервенция жүргізді.
Артынша Ұлттық банк базалық мөлшерлемені +/- 1 п.т. дәлізімен жылдық 15,25% деңгейінде белгілеу туралы шешім қабылдады.
