Canon өнімділіктің және жасампаздықтың жаңа стандарттарын белгілейтін флагмандық EOS R1 және жетілдірілген EOS R5 Mark II айнасыз камераларын шығарды
![](https://matritca.kz/wp-content/uploads/2024/07/snimok-ekrana-2024-07-18-132657-780x470.png)
Canon Europe кәсіби фото- және бейнетүсірілімді жаңа деңгейге шығаратын EOS R жүйесінің көптен күткен EOS R1 және EOS R5 Mark II флагмандарының шығарылымы туралы жариялайды. Бұрын-соңды болмаған өнімділікке ие қос өнім барынша оңтайландырылған жұмыс барысын, түйсік деңгейінде түсінікті пайдаланушы интерфейсін, сондай-ақ жаңа кескін өңдеу платформасы негізіндегі Accelerated Capture (жылдам қармау) және Deep Learning (көп қабатты нейрондық желілерді қолдану арқылы терең оқыту) атты көмекші технологияларды ұсынады.
EOS R1 жаңалықтар және спорт саласындағы кәсіпқой мамандарға сенсациялық көріністерді үздіксіз түсіруге мүмкіндік беретін кеңейтілген функцияларымен мақтана алады, ал EOS R5 Mark II кез келген шығармашылық жобаларды жүзеге асыру үшін гибридті камераларды қолданатын мамандардың кең ауқымына арналған.
EOS R1 және EOS R5 Mark II — EOS R айнасыз камераларының асыға күткен нұсқалары
EOS R1 және EOS R5 Mark II толық кадрлы айнасыз камералары — Canon тарихындағы елеулі меже: EOS R1 өнімділігімен және сенімділігімен танымал EOS-1 сериясындағы EOS R өнімдері қатарының алғашқы камерасы атанды. EOS R5 Mark II камерасы жоғары ажыратымдылықты, жылдамдықты, 8K бейне сапасын біріктірген танымал EOS R5 орнын басты.
Екі камера да алғаш рет жаңа DIGIC Accelerator процессорынан, сондай-ақ кеңінен танымал жоғары өнімді DIGIC X процессорынан тұратын жаңа «Accelerated Capture» кескін өңдеу платформасымен және екі үлгіде де бар, жуырда жасап шығарылған жоғары жылдамдықты бейне сенсорларымен жабдықталды.
DIGIC Accelerator процессоры Deep Learning технологияларымен қатар ірі көлемдегі деректерді өңдеуде көмектесу үшін жақында қосылды. Осындай үйлесім бірқатар салада жоғарырақ өнімділікті, жаңа функцияларды, соның ішінде автофокусты, үздіксіз түсірілімді және сурет сапасын қамтамасыз етеді.
Жаңа кескін өңдеу платформасының арқасында EOS R1 және EOS R5 Mark II камераларында Dual Pixel CMOS автофокус жүйесінің соңғы нұсқасы – Dual Pixel Intelligent AF қарастырылған. Ол көптеген жетілдірілген қасиеттерді қамтиды, соның ішінде ойыншылардың бетін және үстіңгі жағын анықтау және кедергілерден немесе басқа ойыншылардан айналып өту арқылы нысандарды дәлірек бақылап отыру да бар. Бұл ерекшелік пайдаланушылардың белгілі бір тұлғаларды тіркеу және оларды үздіксіз бақылап, басқа ойыншылар арасынан айна-қатесіз тауып отыру есебінен күшейе түседі.
Жаңадан қосылған «Action Priority» (Іс-әрекет басымдығы) режимі баскетболдағы, футболдағы және волейболдағы әдеттегі дене қалпын автоматты түрде анықтайды, жылдам және құбылмалы жағдайларда негізгі нысанды көзден таса қылмайды, сонымен қатар жар салып жариялауға лайық сәттерді лезде түсіріп алады.
Көзді бақылап отыратын автофокус EOS R5 Mark II камерасында алғаш рет ұсынылып отыр және екі модельде де EOS R3-пен салыстырғанда екі есе жақсартылған, оған қоса пиксельдер саны көп сенсор, жетілдірілген жарық диодтары, көзді анықтаудың үлкенірек аймағы, күрделі көріністе бақылап отыру үшін бірегей және инстинктивті түрде нысан таңдауға мүмкіндік беретін жаңартылған анықтау алгоритмі бар.
EOS R1 және EOS R5 Mark II жаңа жоғары жылдамдықты бейне сенсорларымен жабдықталған, соның арқасында түсіру жылдамдығын және сенсор деректерін оқу жылдамдығын арттырады, сондай-ақ EOS R3-пен салыстырғанда EOS R1-де жылжымалы ысырма әсерін 40%-ға азайтып, оны EOS-1D X Mark III-тегі механикалық ысырмамен бір қатарға қояды. Ал 60%-ға азайтса, EOS R5 Mark II екі моделі де сурет сапасын немесе динамикалық диапазонды жоғалтпай, қимыл-қозғалыс жылдам жүретін көріністерді түсіруге қабілетті. Камераларда енді ысырма түймесін басқанға дейін кез келген кадр жиілігімен HEIF/JPEG немесе RAW форматында 20 кадрға (EOS R1) және 15 кадрға (EOS R5 Mark II) дейін түсіруге мүмкіндік беретін алдын ала үздіксіз түсіру функциясы бар, сондықтан өткізіп алған болса да, маңызды сәттерді түсіруге мүмкіндік береді. Екі камерада да жоғары ажыратымдылықтағы үлкен, жарық және тоқтаусыз жұмыс істейтін көріністапқыштар бар, бұл ретте EOS R1 ажыратымдылығы ең жоғары — 9,44 млн. нүкте, ал EOS R5 Mark II болса, EOS R5-тен екі есе жарық.
Жаңа кескін өңдеу платформасының арқасында EOS R1 және EOS R5 Mark II камерадағы Deep Learning көмегімен бейнені үлкейту және шуды азайту есебінен жоғарырақ бейне сапасын қамтамасыз етеді, нәтижесінде JPEG немесе HEIF форматтарын пайдаланған кезде төрт еселенген ажыратымдылыққа немесе камерадағы шуды азайтуға қол жеткізуге болады. Сондай-ақ пайдаланушылар масштабты тікелей камерада қиып, үлкейте алады, сол себепті арнайы қолданбалар арқылы суреттермен өңдеусіз бөлісуді айтарлықтай жеңілдетеді.
Екі камера да бейнені 8,5 сатыға дейін тұрақтандыра[i] алады, бұл әсіресе жарық аз кезде немесе басқа да қиын жағдайларда тиімді түсіруді қамтамасыз етеді.
Видеографтар үшін EOS R1 және EOS R5 Mark II камералары жады картасына 12 биттік RAW форматында бейне жазу мүмкіндігін ұсынады, сонымен қатар Cinema EOS фильм жазу форматын, бұдан былай екі карта және төрт арналы дыбыс арасында толықтай қолдау көрсетілетін Canon 2-журналын және 3-журналын прокси-бейне жазу функциясымен бірге ұсынады. Осылайша сценарийге қарамастан, керемет сапа мен шығармашылық икемділік беретін кәсіби бейнеөндірісті жаңа биікке көтереді. Сондай-ақ камералар A типті HDMI порттары арқылы тысқары нысандарға жазу мүмкіндігімен бір уақытта жоғары ажыратымдылықтағы фотосуреттер түсіре алады және Full HD форматында бейне жаза алады.
Кәсіби мамандардың жұмысына қолғабыс ету үшін бірқатар функциялар C2PA[ii] контент шынайылығы форматын қолдаумен жаңалық тарату немесе бірінші түсірілген материалдарды көру үшін кескін/бейне жіберілетін жерлерге жеткізетін бірнеше бағыт ұсынып, жылдам және тұрақты қосылымды және бұзылысқа төзімді опцияларды қамтамасыз етеді. Сондай-ақ салалық стандартты файл атаулары, фотосуреттер мен бейнелерге арналған бөлек қалталар, News ML-G2 стандартындағы кеңейтілген тегтер қолданылады. Екі камера да корпусына кірістірілген Wi-Fi6E/11ax 6GHz қолдау көрсетеді, осылайша деректерді тасымалдау жылдамдығының жаңа деңгейін ұсынатын алғашқы EOS камералары атанады, бұл ретте EOS R1 тікелей өз корпусында қосымша 2,5 Гбит/с Ethernet қосылымын және қос ағынды FTP қолдайды, ал EOS R5 Mark II қосымша тұтқа арқылы 2,5 Гбит/с Ethernet-пен қамтамасыз етеді.
Қарсы алыңыз, EOS R1 — жаңа флагмандық Canon камерасы
Түпнұсқа EOS-1 камерасы шыққаннан кейін 35 жыл өткен соң, EOS R1 төңкерісшіл автофокусының, жылдамдығының, сенімділігінің және беріктігінің арқасында бүкіл әлемдегі кәсіпқой мамандар үшін аса қолайлы камералар ұсыну дәстүрін жалғастырып жатыр.
Элиталық спорт фотографтарына арналып жасалған EOS R1 жылдам өзгеретін спорт және жаңалықтар фотосуреттері әлемінде ешбір сәтті жіберіп алмауға арналған. Жылдамдықпен қатар автофокус бұрын қол жетпеген нәтижелерге жетудің кілті болып табылады. EOS R1 камерасы бірегей инновациялық тоғыспалы автофокус жүйесімен жабдықталған, яғни теннис торы арқылы түсіру, кішігірім нысандарды бөлектеу және автофокус аймағындағы нысанның көлденең бөлшектері жоқ кезде тік бөлшектерді түсіру сияқты қиын жағдайларда жақсы жұмыс істей алады. Осы жаңа технология Canon үшін алғашқысы болып табылады және Dual Pixel CMOS AF сенсорының мүлдем басқаша орналасуын талап етеді, онда Gb пикселдерінің жекелеген қарашық бөліктері 90 градусқа бұрылып, сенсордың тік және көлденең осі бойымен автофокусты бақылау сезімталдығын қамтамасыз етіп, пайдаланушыларға жылдам және дәл нәтиже алу, сондай-ақ бұрын жіберіп алуы мүмкін суреттерді түсіру мүмкіндігін ұсынады.
Камерада автофокусты бақылау функциясы бар секундына 40 кадр жылдамдықпен және алдын ала үздіксіз 20 кадр түсіретін таң қалдырар дыбыссыз электрондық ысырма бар, яғни пайдаланушылар сурет сапасын жоғалтпастан, көріністі бақылап отыра алады. 24,2 мегапиксельді ажыратымдылық айрықша жоғары жылдамдықпен жұмыс істеуді қамтамасыз етеді, сонымен қатар Deep Learning, кескінді үлкейту және шуды азайту көмегімен ажыратымдылықты 96 мегапиксельге дейін жеткізуге мүмкіндік береді. Жарқылды синхрондау жылдамдығы секундтың 1/400 бөлігіне дейін арттыру, жақсартылған ақ түс тепе-теңдігі және кескін экспозициясын бағалау түрлі жанрлар үшін анағұрлым үйлесімділікті және әмбебаптылықты қамтамасыз етеді.
EOS R1 сонымен қатар секундына 60 кадрда 6Kнемесе секундына 120 кадрда 4K, сондай-ақ секундына 240 кадрда Full HD ажыратымдылығы бар гибридті мультимедиа функционалын қолдайды.
Ең қиын деген жағдайларда жұмыс істеуге арналған EOS R1 жаңа сыртқы құрылымы және кірістірілген тік тұтқасы бар, ауа райының әсеріне төзімді жаңа корпусқа ие. Булануға қарсы қорғанысы бар жоғары ажыратымдылықтағы электрондық көріністапқыш және кең көріністапқыш окуляры осы камераны ұзақ спорттық сайыстарды түсіруде таптырмас құрал етеді. Жаңадан қосылған екі сатылы AF-ON түймесі екі бағдарламаланатын функцияны бір түйме арқылы бірден қосуға мүмкіндік береді, сөйтіп фотографтарға алдындағы іс-әрекеттегі өзгерістерді жылдам түсіріп алуға мұрсат береді.
Қарсы алыңыз, EOS R5 Mark II — жан-жақтылық және гибридті жасампаздық шыңы
EOS R5 мұрасына сүйене отырып жасалған және жаңа жанрлар үшін мүмкіндіктер шекарасын кеңейтетін EOS R5 Mark II шеберлігін шыңдауға дайын жасампаз сторителлерлер мен гибридті камераларды пайдаланушыларға арналған. Осы қасиеті оны кез келген істе тамаша құрал етеді: жабайы табиғатты, үйлену тойларын түсіру, түрлі оқиғаларды көрсету, фильм өндірісі, репортаждар.
Ұсақ-түйегіне шейін жоғары сапада көрсетуге еш нұқсан келтірмей, жылдам қозғалатын нысандарды түсіру үшін жасалған EOS R5 Mark II артқы жағынан жарықтандырылатын революциялық жаңа көп қабатты сенсормен жабдықталған және таңғажайып 45 мегапиксельді ажыратымдылыққа ие. Автофокусты бақылау режимі және жылжымалы ысырма әсері азайтылған, секундына 30 кадр түсіре алатын электрондық ысырма пайдаланушыларға жылдам өзгеретін жағдайларда шынымен тиімді нәтижеге жетуге мүмкіндік береді. Үздіксіз түсіру режимі ысырманы басқанға дейін 15 кадр түсіре алады, ал жетілдірілген кескінді үлкейту функциясы шуды барынша азайта отырып және ұсақ-түйегін түгел сақтай отырып, ажыратымдылықты 180 мегапиксельге дейінгі жеткізуге жол ашады.
EOS R5 Mark II камерасының негізінде мінсіз гибридті мультимедиа функционалы, сондай-ақ ортақ функциялары мен форматтары бар Canon Cinema EOS өнімдерімен өзара тығыз синергия жатыр. Жуырда ұсынылған желдеткіштің салқындатқыш тұтқасы оқиғаны баяндау, сұхбаттар, жоғары сапалы тікелей трансляциялар кезінде түсірілім уақытын барынша арттыру үшін арнайы жасалған.
Прокси-бейне жазу мүмкіндігі, салалық стандартты файл атаулары және құрылымдалған қалталар өндірістен кейінгі жұмыс үдерістерін жақсартады. Виртуалды шындық түсірілімі де жақсартылған алдын ала қарау және ойнату навигациясы арқылы жеңілдей түседі.
Жаңа, өнімділігі жоғары LP-E6P аккумуляторы және берік, жылуды сейілтетін магний қорытпасынан жасалған корпус EOS R5 Mark II камерасын кез келген сынаққа, тіпті күтпеген ауа райында да дайын етеді.
EOS R5 Mark II камерасы ықшам және жеңіл пішінін сақтайды, сонымен бірге булануға төзімді, екі есе жарық көріністапқыш және үлкенірек саңылау сияқты негізгі жетілдірулерді қамтиды, бұл оны бір құрылғыдан жоғары сапалы өнімділікті және әмбебаптықты талап ететін гибридті шығармашылықты сүйетін қауым үшін мінсіз құрал етеді.
EOS R жүйесі өнімдерінің жаңа буынын ұсынамыз
EOS R1 және EOS R5 Mark II камералары толыққанды кәсіби жұп болып есептеледі, барынша сенімділік пен жылдамдықты, сондай-ақ әмбебаптық пен қолайлылықты ұтымды ұштастырады. Олар жақында жарияланған EOS R жүйесінің RF камералары мен объективтері қатарын толықтырып, Canon компаниясының фотосурет пен бейнетүсірілімнің барлық жанрларында жасампаз сторителлерлерге арналған озық технологияларды ұсынуға деген ұмтылысын растайды.
EOS R1 және EOS R5 Mark II туралы қосымша ақпарат алу үшін сайтқа кіріңіз:
https://www.canon-kz.com/cameras/eos-r1/
https://www.canon-kz.com/cameras/eos-r5-mark-ii/
Басты ерекшеліктері
EOS R1 | EOS R5 Mark II |
24,2 МП, артқы жарығы бар, толық кадрлы көп қабатты сенсор
Алдын ала үздіксіз түсіру 20 кадрға дейін Үздіксіз түсіру жылдамдығы секундына 40 кадр Реттелетін үздіксіз түсіру жылдамдығы 9,44 млн. нүктелі тоқтаусыз жұмыс істейтін электронды көріністапқыш |
45 МП, артқы жарығы бар, толық кадрлы көп қабатты сенсор
Алдын ала үздіксіз түсіру 15 кадрға дейін Үздіксіз түсіру жылдамдығы секундына 30 кадр Реттелетін үздіксіз түсіру жылдамдығы 5,76 миллион нүктелі тоқтаусыз жұмыс істейтін электронды көріністапқыш |
Жаңа DIGIC Accelerator процессоры және Accelerated Capture
Камерада масштабты өзгерту және нейрондық желінің көмегімен шуды азайту |
Жаңа DIGIC Accelerator процессоры және Accelerated Capture
Камерадағы масштабты өзгерту және нейрондық желінің көмегімен шуды азайту |
Кірістірілген тік тұтқа | Шағын және жеңіл
Қосымша тұтқалар қолжетімді |
Екі пиксельді интеллектуалды автофокус
Тіркелген адамдар басымдығы Іс-әрекет басымдығы Жақсартылған көзді бақылайтын автофокус өнімділігі Фокус -7,5EV дейін. Тоғыспалы AФ 2-қадамдық AF-ON түймесі |
Екі пиксельді интеллектуалды автофокус
Тіркелген адамдар басымдығы Іс-әрекет басымдығы Жақсартылған көзді бақылайтын автофокус өнімділігі Фокус -6,5EV дейін.
|
Кескінді 8,5 сатыға дейін тұрақтандыру | Кескінді 8,5 сатыға дейін тұрақтандыру |
6K 60p RAW, 6K-ден дискреттеумен 120p дейінгі және 60p дейінгі ажыратымдылықпен 4K бейне | 8К 60p RAW, 8K-ден дискреттеумен 120p дейінгі және 60p дейінгі ажыратымдылықпен 4K бейне
EOS VR жүйесімен қосымша үйлесімділік |
Пайдаланушылардың кескіндерін қолдау
XF-HEVC S/XF-AVC S Canon 2-журналы/3-журналы Дыбыс LPCM/24 бит/4 арна Қосарлы түсіру (фото және бейне) Прокси-фильмдерді қолдау |
Пайдаланушылардың кескіндерін қолдау
XF-HEVC S/XF-AVC S Canon 2-журналы/3-журналы Дыбыс LPCM/24 бит/4 арна Қосарлы түсіру (фото және бейне) Прокси-фильмдерді қолдау Сигнал пішіні мониторы |
WiFi 6E
Камера ішіндегі Ethernet 2,5 Гбит/с FTP арқылы қос ағынды тасымалдау |
WiFi 6E
FTP арқылы қос ағынды тасымалдау |
[i] CIPA 2024 стандарты негізінде, RF 24-105 мм F2,8 L IS USM Z (f=105 мм) объективін пайдаланған кезде жорту, тангаж және жантаю тұрғысынан кескінді тұрақтандыру.
[ii]2025 жылы EOS R1 және EOS R5 Mark II үшін камера жасақтамасы шығарылады, онда C2PA форматын қолдауды қосылады.