Социум
Бүгін Қазақстанның көп бөлігінде аязды ауа райы сақталады
Республиканың кей аумағында қар жауып, жаяу бұрқасын болады
![](https://matritca.kz/wp-content/uploads/2022/12/fb868c70-0d1b-4517-97ad-6ec74af41ba0-780x470.webp)
Синоптиктер 12 желтоқсанға арналған ауа райы болжамын жариялады, деп хабарлайды Azattyq Ruhy.
«Атмосфералық фронтальды бөліктердің өтуімен республиканың солтүстігінде, шығысында қар жауып, жаяу бұрқасын сақталады. Ал басқа аймақтарда антициклонның ықпалынан жауын-шашынсыз ауа райы болуы мүмкін», — делінген «Қазгидромет» хабарламасында.
Еліміздің оңтүстігінде, оңтүстік-шығысында, шығысында, солтүстігінде және оңтүстік-батысында жел күшейіп, оңтүстігінде, оңтүстік-шығысында тұман түседі.
Астанада ауа райы бұлтты, түнде жел 3-8, күндіз 7-12 м/с жетеді. Күндіз -11-13, түнде -21-23 градус болады.
Алматыда қар жауып, жел секундына 0-5 метрге жетежі. Күндіз -4-6, түнде -11-13 градус болады.
Шымкентте ауа райы бұлтты, жел 5-10 м/с жетеді. Күндіз 0, +2, түнде -8-10 градус болады.