Бүгін Қазақстанның басым аумағында қар жауады

«Атмосфералық фронталды бөлімдердің әсерінен ҚР басым бөлігінде қар жауады, тек оңтүстік-батыста, орталықта ауа райы жауын-шашынсыз болады», — делінген «Қазгидромет» хабарламасында.

Республика бойынша тұман түсіп, жаяу бұрқасын болады, еліміздің солтүстік-батысында, шығысында, оңтүстік-шығысында, оңтүстікте жел күшейіп, оңтүстікте көктайғақ болуы мүмкін.

Астанада жауын-шашынсыз, жел секундына 3-8 метрге жетеді. Күндіз -19-21, түнде -26-28 градус болады.

Алматыда қар жауады, жел секундына 0-5 метр болады. Күндіз -3-5, түнде -7-9 градус болады.

Шымкентте де қар жауады, жел секундына 8-13 метрге жетеді. Күндіз -2-4, түнде -6-8 градус болады.