Сот отырысы барысында Бишімбаевты қорғаушы тарап куәгерге қойылған сұрақтарға ашуланды. Бұл туралы Stan.kz ақпарат агенттігі хабарлайды.
«Кісі өлтірілгеннен кейін», «кісі өлтірілген сәттен бастап» деген сөздер жиі қолданылып жатыр. Кісі өлтіру әлі дәлелденген жоқ. «Өлім күні» немесе «оқиға болған күні» деп айтуға болады», — деді экс-министрдің адвокаттары.
Жәбірленушілердің адвокаты Жанна Уразбахова марқұмның ағасы Салтанаттың бұлай айта алатынын жеткізді.
“Ағасы үшін қарындасы өлтірілді”, – деді ол.
“Ағасы ғана емес, адвокат Уразбахова да осылай бірнеше рет айтты. Құрметті сот, осыған байланысты ескерту жасауды сұраймын”, – деді Бишімбаевтың адвокаты Назкен Құсайынова.
Нүкеновалардың адвокаттарының бірі “күдікті Бишімбаевтың ісі “Адам өлтіру” бабы бойынша қаралып жатыр. Біз басқа бапқа ауыстырып жатқан жоқпыз, оның бұрын сотталғанын айтып жатқан жоқпыз, сипаттап жатқан жоқпыз. Бапқа сәйкес ғана сұрақ қойып жатырмыз” деп жауап берді.
Адвокат тараптардың өтінішін жауапсыз қалдырды.
Айта кетейік, Бишімбаевтың қорғаушылары процестің кез келген уақытында одан жауап алуға рұқсат беруді сұрады. Зардап шеккен тарап оған қарсы болды. Десе де судья өтінішті қанағаттандырды.
Сонымен қатар судья сот отырыстарынан кейін әлеуметтік желілерде пікір білдіруге тыйым салу туралы өтінішті қанағаттандырды.
«Сот отырысынан кейін бұқаралық ақпарат құралдарында жарияланған мәлімдемелерді сотқа қысым жасау әрекеті ретінде қарастыруға болады. Сол себепті барлық қатысушыға мұндай әрекеттерден бас тартуды және өзінің іс жүргізу құқығынтек сот залында жүзеге асыруды ұсынамын», – деді судья.
