Бишімбаев соты қашан аяқталады? Судья мәлімдеді

29 сәуірден басталады

Келесі кезең сот жарыссөздері. Судья Айжан Құлбаева оның қай күндері өтетінін айтты.

Жарыссөздер 29 сәуірден басталады. Және 30 сәуір күні, 2, 3 мамыр күндері де жалғасады. 4 мамыр күні де болып қалуы мүмкін.

Бүгін сот отырысында не болғанын мына материалда жазған едік. 

Бүгінде процестің қалыпты күйін Ресейден келген коуч Наталья Грейс бұзды. Ол күтпеген жерден сот залында пайда болып, жан-жағын суретке түсіре бастады. Бұған жәбірленуші тараптың адвокаттары бірден жауап қатып, ол зорлық-зомбылық көріністері болған ноутбук мониторын әлгі коуч түсіріп алды деп айыптады. Алайда Грейс фактіні мойындамаған жоқ, камераны сот орындаушыларына тексеруіне тура келді. Ақыры, дау реттеліп, адвокаттар ноутбукты үстелдің астына қойды.

Күтпеген жерден процестің бірінші жартысында сотталушы Бишімбаев қорғау жағымен дауласа бастады. Адвокат Әлия Омарова сұрақ қойса, сотталушы жөнді жауап бермейді.

Әдетте өзін ұстамды ұстайтын судья жәбірленуші тараптың адвокаттарына ескерту жасады. Оның пікірінше, олар процесті кешіктіреді әрі бірдей сұрақты әр түрлі қырынан қояды.

Бишімбаевтың ісі

Еске сала кетейік, Астана қаласының қылмыстық істер жөніндегі ауданаралық сотында экс-министр Қуандық Бишімбаевтың ісі бойынша алдын ала тыңдау 11 наурызда басталды.  Прокурор экс-министр ісінің мән-жайын айтып берді.

Ал Бишімбаев тағылған айыпты мойындамай, ашық сот өткізуді сұрайды. Оған «қинау» (110-баптың 2-бөлігі) және «аса қатігездікпен адам өлтіру» (99-баптың 2-бөлігі) баптарымен айып тағылған. Бұған қоса, Астанадағы «Гастро-орталық» директоры, Бишімбаевтың туысы Бақытжан Байжанов Салтанат Нүкенованың өліміне байланысты іс бойынша «қылмысты жасырды» деген күдікпен сотқа тартылып жатыр.

12 наурызда экс-министр Қуандық Бишімбаевтың ісі бойынша алдын ала тыңдау жалғасты. Бұл жолы да журналистер сот залына кіре алған жоқ. БАҚ тарапының базынасын сот қызметкерлері тыңдаған болғанымен, ешбір журналист сот залына кіре алмаған. Тіпті тілшілер полиция шақырып, сот әкімшілігі ақпарат алу құқығынан айырып отырғаны жөнінде арыз жазуына тура келген.

4 сәуір күнгі сотта Қуандық Бишімбаевтың адвокаты Лейла Рамазанова бүгінгі сотқа Салтанат Нүкенованың денесіне жасалған сараптаманы жарамсыз деп тану қолайсыз деп тану жөнінде өтініш білдірген. Судья бұл өтінішті қанағаттандырудан бас тартқан.  Ал Бишімбаевтың өзі тергеу изоляторында өз-өзіне қол жұмсамақ болғанын мәлімдеді.

Прокурор Айжан Аймағанова Қуандық Бишімбаевтан ұрып-соққан жұбайына жедел жәрдем шақырудың орнына неге көріпкелге қоңырау шалғанын сұраған. Бишімбаев “бұл менің үлкен қателігім болды” деп жауап берді.

Алдын ала тыңдаудан кейінгі соттарға журналистер кіруге мүмкіндік алды. Сот барысы Қазақстан Республикасының Жоғарғы сотының ресми сайтынан тікелей эфирден көрсетіледі.