Бірыңғай жинақтаушы зейнетақы қоры қанша қазақстандықтың есепшотында 100 миллион теңгеден астам ақшасы барын мәлімдеді. Бұл туралы Stan.kz ақпарат агенттігі хабарлайды.
БЖЗҚ-ның хабарлауынша, 2023 жылдың 1 қыркүйегіндегі жағдай бойынша 13 инвестордың ең жоғары зейнетақы жинақтары 100 миллион теңгені құраған.
Ал Еңбек және халықты әлеуметтік қорғау министрлігі Қазақстандағы зейнетақының орташа мөлшерін жариялады.
Жыл басынан бері республикалық бюджеттен 2 триллион 200,8 миллиард теңге зейнетақы төленсе, оның 675,2 миллиард теңгесі базалық зейнетақыны төлеуге, 1 триллион 525,6 миллиард теңгесі ынтымақты зейнетақыны төлеуге бағытталды.
2023 жылдың 1 қыркүйегіндегі жағдай бойынша зейнеткерлер саны 2 миллион 305 мың адамды құрайды.
«2023 жылғы 1 қыркүйектегі жағдай бойынша орташа жиынтық зейнетақы 120 937 теңгені құрады, оның ішінде ынтымақты зейнетақы мөлшері – 83 072 теңге, базалық зейнетақы – 37 865 теңге», – деп хабарлады қор.
