Атырауда 7 жастағы қызды ескерткіш басып қалды: жаңа мәліметтер белгілі болды
Жеңіс саябағында болған қайғылы оқиғаға қатысты Атырау әкімі Шәкір Кейкін түсініктеме берді, деп хабарлайды Azattyq Rýhy.
Естеріңізге сала кетейік, Жеңіс саябағында нөсер жаңбырдан тығылған отбасының үстіне ҰОС ардагерлеріне арналған ескерткіштің бірі құлаған, салдарынан жеті жасар қыз облыстық балалар ауруханасының реанимациясында қайтыс болды.
«Мен өзім тәжірибелі құрылысшымын, сондықтан мұндай ауыр бюстің қалай құлағаны мен үшін де жұмбақ. Қазір қайғылы оқиға орнына мамандарды шақырдым. Мен оны орнынан жылжытуға тырыстым, қозғалмайды. Сондықтан, ғимарат желдің әсерінен құлап кетпегені анық, біз Жеңіс саябағында орнатылған барлық ескерткіштер мен бюсттерді тексереміз», – деді Шәкір Кейкін.
Оның айтуынша, 2020 жылдың 9 мамырында Жеңіс саябағында «Еске алу аллеясы» ашылды, онда Ұлы Отан соғысының батырлары, «Даңқ» орденінің толық кавалерлеріне арналған 14 бюст орнатылды.
«Бюсттер ардагерлердің есімдері жазылған гранит тұғырларға орнатылған. Барлық 14 бюст Орал қаласында кәсіпкерлер мен демеушілердің қаражатына дайындалды. Мемлекет бір тиын да жұмсамады», — деді ол.
Әкім жағдайды жеке бақылауда ұстайтынын және құзыретті органдармен бірлесіп тексеру жүргізетінін атап өтті.
Атырау облысы полиция департаментінің баспасөз қызметі аталған факті бойынша тергеу жүргізіліп, сот-медициналық сараптама тағайындады.
Ауруханаға 2015 және 2017 жылы туған бір отбасынан шыққан екі бала әр түрлі жарақатпен жеткізілген. 7 жасар бала бірден өте ауыр жағдайда реанимация бөліміне жіберілді. Алған жарақат салдарынан ауруханада қайтыс болды. Екінші бала тірі қалды. Оның қолы сынған. Дәрігерлер гипс салып, оны амбулаториялық емделуге үйіне жіберді.
Әлеуметтік желіде таралған бейресми мәліметтерге сәйкес, отбасы жаңбыр кезінде ескерткіштің артына тығылған.
