Астанада митинг өткізген Марат Әбиев кім?
26 қарашада Астанадағы митингте жақтастары ұсталған Марат Әбиевтің қандай ісімен танымал екені белгілі болды.
33 жастағы Марат Әбиев Ақтөбенің тумасы екен. Ол – Forbes нұсқасы бойынша Қазақстандағы ең жас миллионерлердің бірі. 2013 жылы басылым кәсіпкердің байлығын 11 миллион долларға бағалаған.
Әбиев TDFA-ны «әлемді жаһандық аштықтан сақтай алатын» жоба ретінде көрсетеді. Сондай-ақ кәсіпкер жастарды «болашақтың сәулетшісі» болуға шақыратын және ауыл шаруашылығын дамытуға бағытталған жобаның авторы. Алайда желі қолданушылары бұл жобаны «секта» деп атайды.
Әбиев блогер Бейбіт Әлібековке берген сұхбатында «ҚазМұнайГаз» басшысы Мағзұм Мырзағалиев пен бірқатар депутаттар сынды көптеген шенеуніктерді сынға алады.
Сонымен қатар, интернетте 2021 жылғы 17 қыркүйекте тіркелген заңды тұлға туралы белгілі бір «анықтама» тарады, онда «KNPZ» ЖШС құрылтайшыларының арасында Әбиевпен бірге бұрынғы президенттің әпкесі Әнипа Назарбаева да бар.
Алайда, қазіргі уақытта «Компра» компаниясының сенімділік қызметінің мәліметі бойынша, KNPZ құрылтайшыларының тізімінде Нұрсұлтан Назарбаевтың туысы жоқ.
Бұған дейін ҚР ІІМ Астанада аты-жөнін атамаған «кәсіпкер» түнгі клубтардың біріне 300-ге жуық адамды жинап, кейін оларды «заңсыз шеруге» шығарған. Митингті полиция тоқтатқанын хабарлаған.
Дереккөз: ulysmedia.kz.
