Нур-Султан
Астанада бетон араластырғыш көлік үш автомобильге соғылып, аударылып қалды (ВИДЕО)
Астанада үш көліктің қатысуымен жол-көлік оқиғасы болды. Бетон араластырғыш көлік Ақжол даңғылында аударылып қалды, деп хабарлайды Azattyq Rýhy.
Оқиға орнынан түсірілген видео желіде жарияланды. Оқиғаның мән-жайын елорда ПД баспасөз қызметі мәлімдеді. Құқық қорғау органдарының мәліметі бойынша, апатқа кінәлі істі болды.
«Миксер» маркалы автомашинаның жүргізушісі Ақжол даңғылымен Досмұхамедұлы көшесінен Пушкин көшесіне қарай жүріп бара жатып, рульге ие бола алмады және көше жарығы бағанына соғылып, аударылып қалды. Аударылу кезінде тұрақта тұрған Infiniti және Tank маркалы екі автомашинаға соғылды. ЖКО салдарынан зардап шеккендер жоқ. Полиция наряды оқиға орнында. Жиналған материал Астана қаласының сотына жіберіледі», — делінген ПД хабарламасында.
