ҚР Мәдениет және спорт экс-министрі Арыстанбек Мұхамедиұлының ісі бойынша қызмет ҚР Ұлттық музейінің директорының бұрынғы орынбасары Алмаз Нұразхан ұсталды, деп хабарлайды Azattyq Ruhy.
Сыбайлас жемқорлыққа қарсы қызмет ҚР Ұлттық музейінің директоры Арыстанбек Мұхамедиұлына және басқа да адамдарға қатысты бюджет қаражатын аса ірі мөлшерде ұрлау фактілері бойынша тергеуді жалғастырып жатқанын мәлім етті.
«Жүргізіліп жатқан тергеу аясында А. Мұхамедиұлымен және басқалармен сөз байласып, «Әлем мұражайлары бойынша Алтын адамның шеруі» халықаралық көрмесінің жобасын іске асыру кезінде 221 миллион теңге сомасында сеніп тапсырылған бюджет қаражатын ұрлауға қатысқан «ҚР Ұлттық мұражайы» РМҚК директорының бұрынғы орынбасары А.Ш. Нұразхан ұсталды.
Астана қаласының мамандандырылған ауданаралық тергеу сотының санкциясымен А.Ш. Нұразхан 2 ай мерзімге қамауға алынды», — делінген ведомство хабарламасында.
Қазіргі кезде тергеу жалғасып жатыр. Тергеу мүддесі үшін өзге ақпарат жария етуге жатпайды.
