Социум
АҚШ 80 мыңнан астам украиндық босқынды қабылдады
Украинаның 4,5 миллионнан астам азаматы соғысқа байланысты шетелден баспана іздеуге мәжбүр болды
Украинаның 82 мыңнан астам азаматы отбасыларымен бірге Америка құрама штаттарына барды, деп хабарлайды Azattyq Ruhy korrespondent.net-ке сілтеме жасап.
АҚШ үкіметі бастаған «Украинаға арналған баспана» бағдарламасы украиндықтарға гуманитарлық рұқсат бойынша екі жыл мерзімге елге кіру және болу құқығын береді.
Бағдарламаға қатысу үшін украиндықты АҚШ-та болған уақытына қаржы беретін демеуші қолдауы керек.
U4U бағдарламасына қатысу үшін украиналық босқындарды қолдауға шешім қабылдаған 177 мыңнан астам америкалық осы қызметке өтініш бергені белгілі.
Сонымен қатар, АҚШ-та украиндар мен Украина аумағында соғыс басталған кезде елде болған бірқатар елдің азаматтары үшін «уақытша қорғау» бағдарламасы бар.
30 қарашадағы жағдай бойынша БҰҰ-ның босқындар жөніндегі жоғарғы комиссары басқармасының мәліметі бойынша, Еуропа елдерінде әртүрлі қорғаныс схемалары бойынша 4,5 миллионға жуық украин тіркелген.
