Алматыда жүк көлігі басып кеткен кішкентай қыздың өлімі үшін автобус жүргізушісі ұстала ма
Жеті жастағы Айзере Ибраева қосымша сабақтан шығып, үйіне қайтып келе жатқанда жүк көлігінің астына түсіп, көз жұмды. Оны дәл сол сәтте жолдың арғы жағында анасы күтіп тұрған еді, деп хабарлайды Azattyq Rýhy. ktk арнасына сілтеме беріп.
Куәгерлердің сөзінше, оқушы жаяу жүргіншілер жолағымен Бұрындай көшесін кесіп өтіп бара жатқанда тура алдынан автобус өткен. Қыз автобусты өткізіп, шегінген кезде көліктің астына түсті.
«Автобустың жүргізушісін ұстаңыздар. Ол балаға жол бермей қойды, сосын бала кейін шегініп, фураның астында қалды. Фураның жүргізушісі баланы көрмей қалып, басып кеткен», — деді Айзеренің туысы Шухрат Ментеев.
Полиция 66 жастағы жүк көлігінің жүргізушісін ұстады. Ол бес жылға түрмеге қамалып кетуі мүмкін. Тергеушілер «абайсызда адам өліміне әкеп соқтырған жол ережесін бұзу» бабы бойынша қылмыстық іс қозғаған.
Тұрғындар көшенің күңгірт шамдарын жарығына ауыстырып, бағдаршам қоюды сұрап келе жатқандарына көп уақыт өткенін айтады. Енді олар жерасты өткелін салып беруді сұрап отыр.
