Алматы облысында жоғалған жасөспірім әлі табылмады

Алматы облысына қарасты Жібек жолы ауылында жоғалған 15 жастағы Айдостың із-түссіз кеткеніне үш аптаға жуықтады. Ол күндіз үйінен шығып кетіп, қайта оралмаған.

Бүгінде полиция қызметкерлері төңірек пен жазықтың бәрін дерлік қарап шықты, іздеу жұмыстарына еріктілер де жұмылған, деп мәлімдеді Almaty TV арнасының тілшісі.

Баланың жоғалғанын туыстары полицияға бірден хабарламаған.

Алматы облыстық полиция департаментінің ресми өкілі Ернар Сайділдиннің айтуынша, туыстары баланы өз күшімен іздеп, 18 күннен кейін ғана арыз жазған.

Себебі бұған дейін де өзі кетіп, оралатын. Қазір іздеу жұмыстары жүріп жатыр. Егер де Балмағанбетов Айдос жайында қандай да бір мәлімет білсеңіз, полицияға хабарлауыңызды сұраймыз.Алматы облыстық полиция департаментінің ресми өкілі Ернар Сайділдин