Госорганы
Әлібек Қуантыров министрлер мен әкімдер назар аударуы тиіс мәселені атады
![](https://matritca.kz/wp-content/uploads/2023/08/230815105814388e-780x470.webp)
Бүгін Үкімет отырысында Ұлттық экономика министрі Әлібек Қуантыров экономикалық өсімді қамтамасыз ету үшін министрлер мен әкімдер назар аударуы тиіс іс-шараларды атады, деп хабарлайды ҚазАқпарат тілшісі.
«Экономикалық өсуді қамтамасыз ету мақсатында орталық және жергілікті атқарушы органдарға келесі іс-шараларға назар аудару ұсынылады. Уақытылы егін жинауды және құрылыс жұмыстарының маусымын тиімді жүргізуді қамтамасыз ету, экспорттың өсуін қалпына келтіру үшін қосымша шаралар қабылдау және баламалы бағыттарды тиімді пайдалану қажет», — деді министр.
Сонымен қатар ол белсенді түрде инвестиция тарту және бюджет қаражатын тиімді игеру мәселесіне де назар аудартты.
«Әлеуметтік маңызы бар азық-түлік тауарлары бағаларының өсуін болдырмау бойынша іс-шаралар қабылдау және тұрақты мониторинг жүргізу керек. Тұрақты және уақытша жұмыспен қамту іс-шараларын қолдау арқылы еңбек нарығындағы тұрақтылықты қамтамасыз ету қажет», — деді Әлібек Қуантыров.