Социум
Алдағы күндері елімізде аяз болып, жаңбыр соңы қарға ұласады
Республиканың солтүстік-батысы мен солтүстігінде ауа температурасы күрт төмендейді
![](https://matritca.kz/wp-content/uploads/2023/04/230dd7e8-1131-4d4a-a4e5-d23dcd19014e-780x470.jpeg)
«Қазгидромет» РМК мамандары 6-8 сәуір аралығына арналған ауа райы болжамын ұсынды, деп хабарлайды Azattyq Ruhy.
Метеоқызмет мәліметіне сүйенсек, атмосфералық фронттардың әсерінен Қазақстанның басым бөлігінде ауа райының тұрақсыз сипаты көрініс береді: 6-8 сәуірде оңтүстікте, 7-8 сәуірде оңтүстік-шығыста кейде қатты жаңбыр жауады.
«7 сәуірде Скандинавия аудандарынан келетін солтүстік-батыс антициклонына байланысты еліміздің солтүстік-батысы мен солтүстігінде ауа температурасы күрт төмендейді. Сондай-ақ жаңбырдың арты қарға ұласуы мүмкін», — дейді синоптиктер.
Республика бойынша жел күшейеді, оңтүстік өңірлерде тұман, шаңды дауыл мен найзағай, солтүстікте, солтүстік-батыста көктайғақ болуы мүмкін.
Солтүстік пен солтүстік-батыста ауа температурасы түнде 2-12 градус аязға дейін, күндіз 5 градус аяздан 7 градус жылыға дейін төмендейді.