Атырауда көп балалы ата-ана жалдамалы пәтерде өлі табылды
Атырау облысының баспасөз қызметінің хабарлауынша, 25 шілдеде жергілікті тұрғыннан қоңырау түскен
Құқық қорғау органдары жас жұбайлардың өлімінің мән-жайын анықтауда. Ерлі-зайыптылардың мәйіті жалдамалы пәтерден табылды, деп хабарлайды Zakon.kz.
Атырау облысының баспасөз қызметінің хабарлауынша, 25 шілдеде жергілікті тұрғыннан қоңырау түскен. Ол қызының пәтер есігін ашпағанын айтты.
Осы шақырту бойынша жедел кезекші жасақ шығарылып, оның барысында пәтердің есігін ашқан кезде бөлмеден ер адам (1996 ж) мен әйелдің (1992 ж) мәйіттері табылды.Атырау облысы ПД баспасөз қызметі
Департаментте атап өтілгендей, Қазақстан Республикасының Қылмыстық кодексiнің 99 бабының 1-бөлімі бойынша тергеу амалдары жүргізілуде.
Сондай-ақ, баспасөз қызметі қайтыс болған азаматтардың ерлі зайыпты екенін қосты. Олардың төрт баласы жетім қалды.
Пәтер, полицейлердің айтуынша, бір ай бұрын жалға алынған.
