Аманқарағай тұрғыны эвакуация кезінде жоғалып кетті

 «Барыс» іздестіру-құтқару жасағының еріктілері Аманқарағай ауылындағы эвакуация кезінде жоғалған ер адам туралы ақпарат таратты, деп хабарлайды Алау.

Ақпаратқа сәйкес, Валерий Головач 3 қыркүйекте Аманқарағай ауылында эвакуация жүргізіліп жатқан кезде жоғалып кеткен.

«Соңғы рет кешкі жеті шамасында байланысқа шыққан, оның одан әрі қайда екені белгісіз. Белгілері: маңдайында тыртық бар, қасқа бас. Үстінде көк футболка мен сұр шалбары болған», — делінген ақпаратта.

Естеріңізге сала кетейік, Қостанай облысы Әулиекөл ауданында осымен бірнеше тәулік орман өрті сөндіріліп жатыр. Өрт салдарынан 11 адам жарақат алып, бір адам көз жұмды.