Главное
Алматыдағы жарылыс: Алатау ауданында үйінді астынан ер адамның мәйіті табылды (ВИДЕО)
2025 жылғы 2 маусымда сағат 13:55-те Алматы қаласы Алатау ауданының «Шапағат» ықшам ауданында, Биянху көшесі мекенжайы бойынша болған жарылыс салдарын жою барысында құтқарушылар 1949 жылы туған ер адамның мәйітін тапты, деп хабарлайды Azattyq Rýhy.
Алдын ала ақпарат бойынша, газ-ауа қоспасының жарылысы салдарынан 1980 жылы салынған жеке тұрғын үйдің құрылымдары қирағаны анықталды.
Оқиға орнына жедел штаб құрылып, төмендегі жауапты құрылымдардың күші мен құралдары тартылды:
- Алматы қаласы әкімдігі;
- Төтенше жағдайлар департаменті;
- ҚР ТЖМ Республикалық жедел құтқару жасағы;
- Кинологиялық қызмет;
- Апаттар медицинасы орталығы;
- «109» Қалалық құтқару қызметі;
- Қаланың өзара іс-қимыл қызметтері.
Қазіргі таңда жарылыстың нақты себептері мен мән-жайларын анықтау үшін жедел-тергеу тобының жұмысы жүргізілуде.
