Жетысуская область
Жетісуда жан түршігерлік жол апаты болып, жас қыз қаза тапты (ВИДЕО)
Бүгін, 14 мамыр күні Алматы-Өскемен тас жолының 270 шақырымында жан түршігерлік жол апаты орын алып, бір қыз көз жұмды, деп хабарлайды Azattyq Ruhy.
Жетісу облысы Полиция департаментінің баспасөз қызметі хабарлағандай, КАМАЗ көлігі жолда келе жатып, бұрылыстағы оң жақ шеткі жолақтан маневр жасаған кезде ілеспе бағытта келе жатқан «Mazda 626» көлігімен соғылған.
«Апаттың салдарынан «Mazda» автокөлігінің жолаушысы көз жұмды», — деп хабарлады баспасөз қызметі.
Осы ретте Жетісу облысы Полиция департаменті патрульдік полицияның взвод командирі Бақытжан Джапаров жолаушыларға ескерту жасады.
«Құрметті жүргізушілер! Естеріңізде болсын! Көлікті басқарған кезде басқа жаққа алаңдауға, телефонды пайдалануға болмайды. Назарларыңызды тек жолға ғана аударыңыздар», – деп атап өтті Бақытжан Джапаров.
