Павлодар облысында ер адам бірінші сынып оқушыларын мектеп аумағынан алып кетпек болған (видео)
Павлодар облысындағы орта мектеп аумағында мас ер адам бірінші сынып оқитын екі оқушыны алып кетпек болған. Бұл туралы Stan.kzақпарат агенттігі хабарлайды.
Оқиға туралы қыздардың бірінің анасы айтып берді. Әйелдің айтуынша, ол баласын алып кету үшін мектепке уақытында келіп үлгерген.
«Мұғаліміміз автобусқа басқа балаларды отырғызып жатқан. Мектеп үлкен, басқа ауылдан келген балалар бар. Автобус келген кезде олар бірінші отыруы керек. Әке-шешесін күтіп отырған Кенжекөлдік балаларға да, автобуста да қадағалап отыруға мұғалімнің уақыты жоқ», – дейд әйел.
Қыздың анасы мектеп аумағында ешкім болмағанын айтады: аула сыпырушы да, күзетші де, мұғалім де жоқ.
«Неліктен мас адам мектеп аумағында темекімен бірге жүреді? Ал оны неге ешкім көрмейді? Мен учаскелік полиция қызметкерін шақырыңыз, қызымды алып кетпекші деп айқайладым. Мен мектепке жүгірдім, аула сыпырушы жоқ. Ол бір жерден жүгіріп шықты. Мен оларға учаскелік полиция қызметкерін, бас мұғалімді шақыр, ол қазір қашып кетеді дедім.
Ал аула сыпырушы, әкімдіктің артында полиция бөлімшесі бар, соған бар деп айтты», — деді баланың анасы ашуланып.
Ата-ана қазір баласының мектепке баруға қорқатынын, өзі де қызын жібергісі келмейтінін айтты. Әлеуметтік желі қолданушылары әйелге оқиғаны тез арада жария еткені үшін алғыс айтты. Кенжекөл ауылының әкімдігі оқиғаға қатысты түсініктеме берді.
«14 қыркүйек күні сағат 14:30-да Кенжекөл ауылындағы бес қабатты үйдің тұрғыны, яғни мектеп аумағына келген ер адам 1-сыныпта оқитын екі қызды, ата-аналарың хабардар деп, өзімен бірге алып кетпек болған. Қазіргі уақытта бұл адам Павлодардағы сауықтыру орталығында жатыр, тергеу басталды», — делінген видеода.
