50 млн теңге бопсалады: Журналист Махамбет Абжанға қатысты сот отырысы басталды

Астана қаласының қылмыстық істер жөніндегі мамандандырылған ауданаралық сотында бопсалауға қатысы бар деп айыпталған журналист Махамбет Абжанның ісі бойынша сот отырысы басталды.

Қазіргі кезде алдын ала тыңдау өтіп жатыр.

Махамбет Абжанды өткен жылдың 3 шілдесінде сыбайлас жемқорлыққа қарсы іс-қимыл агенттігінің қызметкерлері ұстаған еді. Ол кәсіпкерден 50 миллион теңге бопсалады деген күдікке ілінген.

Естеріңізге салсақ, ол былтырғы Қаңтар оқиғасы кезінде екі апта бойы жоғалып кетіп, артынан табылған болатын.