Госорганы
169 млн теңге негізсіз төленді: «Қазгеология» компаниясының басшылығы күдікке ілінді
Басқарма төрағасы, төрағаның 3 орынбасары, бас геолог күдіктеледі
Сыбайлас жемқорлыққа қарсы қызмет «Қазгеология» Ұлттық геологиялық барлау компаниясы» АҚ басшылығына қатысты (мемлекеттің 100% қатысуы) лауазымдық өкілеттіктерін асыра пайдалану фактісі бойынша сотқа дейінгі тергеп-тексеруді бастады, деп хабарлайды Azattyq Ruhy.
Антикордың хабарлауынша, компания басшылығы жарғыны бұза отырып, директорлар кеңесінің тиісті шешімінсіз басқарма мүшелеріне (басқарма төрағасы, төрағаның 3 орынбасары, бас геолог) 2017-2019 жылдар кезеңінде жалақыны, бонустарды және материалдық көмекті артық төлей отырып, лауазымдық жалақының мөлшерін өз бетінше 2 есеге ұлғайтты деген күдікке ілінді, бұл 169 млн теңгеден астам соманы құрайды.
«Тергеу жалғасуда. Тергеу мүддесі үшін өзге ақпарат жария етілмейді», — деп мәлімдедіведомство.
