Госорганы
Ұлттық Банк базалық мөлшерлемені 14,75% деңгейінде сақтап қалды
![](https://matritca.kz/wp-content/uploads/2024/04/6618de62527d1418349210-780x470.png)
Қазақстан Республикасының Ұлттық Банкі базалық мөлшерлемені +/– 1 п.т. дәлізімен жылдық 14,75% деңгейінде сақтау туралы шешім қабылдады, деп хабарлайды Azattyq Ruhy.
Ұлттық Банк хабарлағандай, 2024 жылдың наурыз айында жылдық инфляция 9,1% болған.
«Инфляция бойынша 5% мақсатқа жету үшін қатаң ақша-кредит шарттарын сақтау қажет. Қазіргі жағдайда ақша-кредит саясатын жеңілдетуге арналған кеңістік әлі де шектеулі», — деп хабарлады Ұлттық Банктің баспасөз қызметі.
Дереккөзге сүйенсек, Ұлттық Банк базалық мөлшерлеме бойынша кезекті жоспарлы шешімін 2024 жылдың 31 мамырында Астана уақытымен сағат 12:00-де жариялайды.