Бүгін үкімет отырысында төтенше жағдайлар министрі Шыңғыс Арынов кешегі жер сілкінісіне қатысты баяндама жасап, министрлік бірінші минуттардан бастап қажетті шараларды үйлестіргенін атап өтті. Бұл туралы Stan.kz ақпарат агенттігі хабарлайды.
Оның сөзінше, сөйлеу дабылы, сирена және жергілікті объектілер жүйелері тартылып, теле, радио каналдары арқылы жеткізу жүзеге асырылған.
“Республикалық және өңірлік жедел штабтар ашылып,
384 азаматтарды қабылдау пункті ұйымдастырылды, тәулік бойы «Жедел желі» жұмыс істеп жатыр. Қазіргі уақытқа дейін ақпараттық сипаттағы 259 қоңырау түскен.
Кеше қабылдау пункттерінде үш мыңға жуық адам орналасты, оның 906-ы бала”, – деді төтенше жағдайлар министрі.
Ол жер сілкінісін кез-келген төтенше жағдай сияқты алдын-ала болжау мүмкін емес дейді. Осыған байланысты министрлік олардың алдын алу және халықты бірінші кезектегі әрекеттерге дайындау бойынша жұмыс жүргізуде.
Осы қысқа мерзім ішінде жер сілкінісі кезіндегі азаматтардың іс-қимылдары туралы ауқымды ақпараттандыру және түсіндіру жұмыстары жүргізіліп, осы жолы ол нәтижесін көрсеткенін айтты. Бұл жолы халықтың көп бөлігі үрейге ұшыраған жоқ.
“Жедел топ 8 мыңға жуық ауланы аралап, білім беру объектілерінде 650-ден астам сабақ өткізді және адамдар көп жиналатын орындарда түсіндіру жұмыстары мен нұсқау көрсетілген парақшалардың таратты.
Кеше менің бұйрығыммен халықты оқыту және жер сілкінісі кезінде практикалық әрекеттерді пысықтау үшін, қосымша Алматыға Ұзынағаштан әскери қызметкерлер жіберілді”, – деді Шыңғыс Арынов.
Министрдің сөзінше, қазір елдегі сейсмикалық жағдай тұрақты.
