Тегін дәрі-дәрмек тізімінен 38 препарат алынып тасталды

Мұндай бұйрық жобасы Денсаулық сақтау министрлігінде әзірленді. Бұрын амбулаториялық емделуге жеңілдікпен берілген дәрі-дәрмектерді енді пациенттер тегін ала алмайды.

Тегін медициналық көмектің кепілдік берілген көлемі шеңберінде ұсынылған препараттар тізімінен мыналарды алып тастауды ұсынылды:

• «Омепразол»,
• «Амоксицилин»,
• «Кларитромицин» (және тағы үш позиция).

МӘМС аясында ересектерді емдеуді жоспарламайтын дәрі-дәрмектер тізімінде:

• «Азитромицин»,
• «Фамотидин»,
• «Карбамзепин»;
• «Ацикловир» көзге арналған жақпа және басқалар.

МӘМС жүйесі бойынша 18 жасқа дейінгі балаларға бұдан былай тегін берілмейді:

• «Ранитидин»,
• «Мультифермен»,
• «Ибупрофен»,
• «Парацетамол» (және басқа дәрілер).

Барлығы 32 ауруды емдеуге тағайындалған препараттарды тізімнен алып тастау жоспарлануда.

«Өлім-жітім мен өмір сүру ұзақтығына әсер етпейтін 32 нозология алынып тасталды (өлім-жітім мен өмір сүру ұзақтығына әсер ететін басқа созылмалы ауруларды дәрі-дәрмекпен қамтамасыз етудің ұлғаюымен)», — деп түсіндірді жоба авторлары түсіндірме жазбада.

Препараттардың толық тізімін «Ашық НҚА» порталынан табуға болады.

Жобаны көпшілік талқылауы 18 шілдеге дейін жалғасады.