Танымал актер сүйіктісін лифтіде жұлқылап, соққыға жыққан
Қазақстандық блогер Алия Бутеева актер Шәріп Серіктің жалаңаяқ күйінде оның артынан жүгіріп шығып, қолынан ұстап, лифтіден күшпен алып шыққан сәтін түсірген фото мен видеоны жариялады. Суреттерде қыздың бетінде соққыдан із қалғаны да анық көрінеді, деп хабарлайды Ulysmedia.kz.
ТОЛЫҒЫРАҚ
Өз жазбасында бойжеткен болған оқиға жайлы эмоцияға беріліп айтып, үнсіз қалмайтынын жеткізді.
— Ең қорқынышты түсімде де сүйген жігітімнің маған қол көтеруі туралы айтып тұрғанымды елестетпеппін. Бірақ бұл болған оиқға. Меніңше, адамның жеке шекарасы болады, олардан өтуге болмайды, деп жазды ол.
Блогер бұл жазбаны жариялау оңайға соқпағанын айтып, дегенмен зорлық-зомбылық туралы үн қату маңызды деп есептейтінін білдірді.
— Физикалық тұрғыда әлсіз болуым мүмкін, бірақ меніңше, бұл жағдайды жасыратындай моральдық тұрғыда әлсіз емеспін. Өзімді және ар-намысымды қорғауға мәжбүрмін, деді ол.
Сондай-ақ, ол осындай жағдайға тап болған адамдарға үн қатты.
— Мұндай жағдайды бастан өткеріп жатқан әр адамға бұл – норма емес екенін ұғынуды сұраймын, деп түйіндеді ол.
ҚОЛДАУ
Блогерді көптеген адам қолдады.
Осыдан кейін бұл адамды киноға шақырған әрбір студияны кәнсілдеймін!, дейді танымал коуч Роза Әшірбаева.
Әйелге қол көтерген еркек – еркек емес… Өте өкінішті, жақындарыңыздан қолдау сұраңыз. Мұндайды тоқтату керек, дейді актриса Сая Оразғалиева.
Бөліскеніңіз дұрыс болған, дейді модель, актер Алмас Мержақыпов.
