Түркістан облысында полицейлер адасқан 69 жастағы әжейді отбасымен қауыштырды
Түркістан облысында полицейлер Төлеби ауданында адасып, мекенжайын есіне түсіре алмай қалған 69 жастағы әжені тауып, отбасымен қауыштырды. Учаскелік инспекторлар қызметтік аумақты тексеріп жүріп қарт адамды байқап, көмектесті.
Түркістан облысында полицейлер Төлеби ауданында адасқан әжіні байқады
Учaскелік полиция инспекторлары Д.Сырлыбаев, Б.Өмірсеріков және Б.Ерментай тасжол бойында жалғыз жүрген қарт әжіні көріп, онымен сөйлесті. Әжейдің денсаулығында кінәраттар бар екенін және тұрғылықты мекенжайын есіне түсіре алмай отырғанын анықтады.
Полицейлер әжіні полиция пунктіне жеткізіп, отбасымен қайта қауыштырды
Тәртіп сақшылары 69 жастағы әйелді полиция пунктіне жеткізіп, жеке басын анықтады және дереу отбасымен байланыс орнатты. Әжіні аман-есен үйіне қайтарып берді.
Оқиға кезінде тәртіп сақшыларының әрекеті бейнежазбаға түсірілген. Онда олар әжейге: «Біз полиция қызметкерлеріміз ғой, неден қорқасыз? Үйіңізге апарып тастаймыз, жаурап қаласыз» деп айтып, қамқорлық көрсеткені көрінеді.
Бұл жағдай полицейлердің қайырымдылық пен қызмет жауапкершілігін қатар ұстанатынын айғақтайды.
