«Шашын жұлып, сүйреген жоқпын»: Марат Әйтенов сотта сөз сөйледі
Астана қаласының сотында отбасылық-тұрмыстық қатынастар саласындағы құқық бұзушыға қатысты әкімшілік материал қаралды (ӘҚБтК 73-бабының 1-бөлігі). Істің материалдары бойынша, әйел отбасылық жанжал кезінде бұрынғы жұбайына қарсы дөрекі сөз сөйлеген деп айыпталған. Сотта ол өз кінәсін мойындаған жоқ, деп хабарлайды AzattyqRýhy
Шымкент қаласының экс-әкімі Мұрат Әйтеновтің ағасы Марат Әйтеновке қатысты сот отырысы онлайн форматта өтіп жатыр.
Әлеуметтік желіде Марат Әйтеновтің бұрынғы әйелі Дана Әтешова мен балаларын үйден күшпен шығарып жатқан видеосы тараған еді. Кейін әйелінің Әйтеновке күш көрсеткеніне қатысты да видео тарады. Екеуінің де үстінен қылмыстық іс қозғалған болатын.
Судья қылмыстық-процестік кодекстің 529-бабына сәйкес сот қылмыстық теріс қылық бойынша хаттаманы оқып берді.
Ол бұрынғы жұбайын балағат сөзбен қорламағанын, тек балағат сөздер түріндегі етістікті білдіргенін түсіндірді. Сонымен бірге бұрынғы жұбайы үйде заңсыз болған және оны арандатқан. ӘҚБтК 73-бабының 1-бөлігінің санкциясы 5 тәулікке қамау жазасын немесе ескерту жасауды көздейді.
Марат Әйтенов өз сөзінде әйеліне физикалық зорлық-зомбылық көрсетпегенін айтты.
«Оның шашынан жұлып, сүйреген жоқпын, керісінше құлап бара жатқан кезде басымен жерге соғылмас үшін қолымды қойдым», — деді Марат Әйтенов.
Ол басты мақсаты — балаларын қорғау болғанын айтады. Оның қорғаушысы да видеода бұл фактілер көрініп тұрғанын айтты. Судья Әйтеновтен экс-әйелі тағып отырған айыппен келісіп-келіспейтінін сұрады.
«Осы айыпты тағайындап жатқан менің балаларымның анасы ғой. Сондықтан толық мойындаймын. Онымен келісемін», — дейді Марат Әйтенов.
