Социум
Сауд Арабиясының оңтүстік-батысында қалың қар жауды
Тұрғындар желіде қардың суреттерін жарыса жариялаған
Парсы шығанағы елдеріндегі дәстүрлі ыстық маусым қарсаңында Сауд Арабиясының оңтүстік-батысындағы Әл-Баха провинциясында қар жауды, деп хабарлайды Azattyq Ruhy.
«Arabi21» порталының хабарлауынша, қала тұрғындары әлеуметтік желілерде қала көшелерінде жатқан қардың суреттерін жариялаған. Белгілі болғандай, қарды, сондай-ақ артынша жауған жауыннан пайда болған шалшықтардағы мұз сынықтарын арнайы көліктермен шығаруға тура келген.
Сауд Арабиясының бірқатар провинциясының, соның ішінде Мекке басшылығы ауа райының қолайсыздығына, нөсер жаңбыр мен желге байланысты сәрсенбі күні барлық оқу орнындағы сабақты тоқтатқан.
Ауа райы болжамына сәйкес, көрші елдер – Катар мен Кувейтте бейсенбіден демалыс күндерінің соңына дейін қатты жауын-шашын жауады.
» alt=»» aria-hidden=»true» />
