Сәкен Мамаш туыстарына миллиондап ақша аударатын – Карина Мамаш
Қазақстанның Біріккен Араб Әмірліктерінде жұмыс істеген дипломат Сәкен Мамаш туыстарына миллиондап ақша аударады. Бұл туралы оның әйелі Карина Мамаш мәлім етті, деп хабарлайды Azattyq ruhy.
Оның айтуынша, жақындары Сәкен Мамаштың есебінен күн көретін.
«Бүкіл туысы оның мойнында отырды. Ол отбасының, балаларының аузынан жырып, туыстарына миллиондап ақша аударатын. Мен оған туыстарыға ақша берме деп тыйым сала алмайтынмын. Мен тырнағымды жөндету үшін ақша таба алмайтынмын», — деді Карина Мамаш сұхбатында.
Естеріңізге сала кетейік, Біріккен Араб Әмірліктеріндегі Қазақстан Елшісінің кеңесшісі болған Сәкен Мамашқа қатысты қылмыстық іс қозғалғаны белгілі. Оның әйелі Карина Мамаштың зорлық-зомбылық туралы мәлімдемесінен кейін бұл іс резонанс тудырып, Сыртқы істер министрлігі дипломатты елге қайтарған. Карина Мамаш «Nukte» арнасының негізін қалаушы, журналист Ғалия Идоятоваға сұхбат беріп, дипломат жолдасымен қалай танысқанын, күйеуінің тарапынан қандай қорлық көргенін айтып берді.
