Главное
Руслан Омаровтың ұсталғаны рас па
«Бірінші кредиттік бюро» (БКБ) ұйымы бас директоры Руслан Омаровқа қатысты тексеру жүргізіліп жатқанын растады, деп хабарлайды Ulysmedia.kz.
ТОЛЫҒЫРАҚ
LS басылымы БКБ-ның ресми түсініктемесін келтіреді:
– Руслан Омаровқа қатысты уәкілетті органдар аясында тексеру шаралары жүргізілуде. «Бірінші кредиттік бюро» қалыпты режимде жұмыс істеп жатыр, – деп мәлімдеді қаржы ұйымы.
Айта кетейік, Руслан Омаров – БКБ бас директоры қызметін атқарады.
КОНТЕКСТ
Бұған дейін Еңбек және халықты әлеуметтік қорғау бұрынғы вице-министрі Ақмәди Сарбасовтың ұсталғаны хабарланған еді. Ол биыл сәуір айынан бері «Еңбек ресурстарын дамыту орталығы» АҚ-ның президенті қызметін атқарған.
Журналист Михаил Козачков жеке дереккөздеріне сілтеме жасап, Омаров пен Сарбасовтың қазақстандықтардың жеке деректерін сату ісі бойынша тергеу аясында ұсталғанын хабарлады.
