Главное

Қостанайда үш жасар бала жарты сағаттық операциядан кейін комаға түсті

Баксылымның хабарлауынша, 15 желтоқсанда тағы үш балаға жоспарлы ота жасалған болатын. Дәрігерлер анестезияны пайдаланды. Төрт отаның орташа уақыты 5-40 минут болған. Барлығы сәтті өтті. Бірақ екі сағаттан кейін балалар есін жимай, жата берген. Ал бірнеше сағат өткен соң, дене қызулары күрт көтерілді.
Кешке қарай үш жасар Әмірдің тыныс алуы қиындап кетті. Оған бірден реанимациялық шаралар жасалды. Артынан жансақтау бөліміне түскен, кішкентай бала әлі есін жиған жоқ.
«Мен ауруханаға сау баламды алып келдім, қазір дәрігерлердің немқұрайлығынан осындай жағдайда жатыр», — дейді Әмірдің әкесі Нұрлан.
Қалған балалар сол күні есін жиды. Ең үлкені – 4 жастағы Игорьді бір аптадан кейін үйіне жіберді.
«Олар пропофолға реакция болған шығар дейді. Тізімде ол дәрі «S.Profoli» деген атаумен тұр. Бұл препаратты наркоз кезінде еккен. Барлық инъекцияны бір ампуладан жасады. Алайда нақты ештеңе айтып жатқан жоқ», — деп атап көрсетті Игорьдің анасы Анастасия.
Қазіргі кезде есін жиған тағы бір бала неврология бөліміне жатқызылды, үшіншісі пневмониядан ем алып жатыр. Әмір ғана есін жимаған жоқ.
Әкесінің айтуынша, диагнозда «Мидағы қан айналымының бұзылуы. Уытты энцефалопатия» деп жазылған. Алайда интоксикация неден басталғаны белгісіз.
Әмірдің әкесі денсаулық сақтау басқармасына арыз түсірді. Олар медициналық және фармацевтикалық бақылау депаратментіне жіберді. Сондай-ақ, ер адам прокуратураға шағым жазды.

Другие новости

Back to top button