Қостанай облысында шегірткелердің кесірінен өнімінен айырылған фермерлерге өтемақы төленбейді
Қостанай облысының фермерлеріне шегірткелердің салдарынан келтірілген залалдың шығыны өтелмейді. Бұл туралы Stan.kz ақпарат агенттігі 31-арнаның Информбюро жаңалықтар бағдарламасына сілтеме жасап хабарлайды.
Аумақтық инспекция шегірткелер келтірген зиян үшін қаражат төленбейтінін айтты. Бір күн бұрын Қостанай маңындағы егістіктерде шегірткелер қаптады. Аумақ тез өңделді. Фермерлер жағдай келесі жылы қайталануы мүмкін деп қорқады.
“Басты міндет –келесі жылға дайындалып, осыны қадағалау. Орындарын алып тастау керек, әйтпесе ошағы сақталады. Оларды толық тұншықтыру керек”, – деді «Луговое» ШҚ басшысы Василий Куц.
Аумақтық инспекция келесі жылы италиялық шегірткелер қаптайтынын атап өтті. Әзірге аймақтағы 4 миллион гектар егіннің 500 гектары ғана зардап шекті. Оңтүстіктегі жағдай тұрақталды. Қазір облыстың басқа аудандарында зиянкестермен күрес жүргізілуде. Аграршылар жойылған өнім үшін өтемақы алмайды.
“Шегіртке бойынша өтемақы жоқ. Егер ауыл шаруашылығы тауарын өндірушінің өзі егінді сақтандырған болса, онда алар еді. Қазақстанда мемлекет егінді табын шегірткелеріне қарсы өңдейді, көрші мемлекеттерде ондай жағдай жоқ. Мысалы, Ресейде пестицидтер субсидияланады, бұдан басқа ештеңе жоқ”, – деп мәлімдеді АШМ АӨК МИК Қостанай облыстық аумақтық инспекциясының басшысы Дархан Әбдікәрімов.
