Главное
«ҚазМұнайГаз Инвест» пирамидасы әшкереленді: 200-ге жуық адам 1 млрд теңгесінен айырылды
Шымкент қаласы бойынша Қаржы мониторингі агенттігінің департаменті жалған «инвестициялық жоба» ретінде жұмыс істеген қаржы пирамидасын анықтап, оның қызметін тоқтатты. «ҚазМұнайГаз Инвест» деп аталған бұл схема 200-ге жуық азаматты алдап, 1 миллиард теңгеден астам қаражатты заңсыз иемденген, деп хабарлайды Azattyq Rýhy.
Алаяқтық қалай жүзеге асты?
Ұйымдастырушылар танымал «ҚазМұнайГаз» ұлттық компаниясының атын жамылып, азаматтарға акциялар сатып алу арқылы тез әрі жоғары табыс табуға уәде берген. Олар салымшыларға әр 15 күн сайын 50% кіріс түсетінін айтып, сеніміне кірген.
Алайда, шын мәнінде ешқандай акция сатып алынбаған. Ақша айналымы тек жаңадан тартылған қатысушылардың қаржысы арқылы жүзеге асқан – бұл классикалық қаржы пирамидасының белгісі.
Алғашқы салым – 500 мың теңгеден басталған
Жобаның бастапқы салымы 500 000 теңгеден басталған. Уақыт өте келе азаматтар ірі көлемде ақша салған. Осылайша, жалпы 1 млрд теңгеден астам қаржы тартылған.
Заңсыз кіріске алынған дүние-мүлік
Тергеу барысында күдіктілер Түркістан облысынан мынандай дүние-мүлік сатып алған:
- Tank 500 және BMW X5 люкс автокөліктер;
- Жеке тұрғын үй;
- Коммерциялық жылжымайтын мүлік (мейрамхана).
Барлық мүлік туыстарының атына рәсімделген – тәркілеуден жасыру үшін.
Қылмыстық іс қозғалды
- Сот санкциясымен аталған мүлікке тұтқын салынды;
- Күдіктілер қамауға алынды, тергеу амалдары жалғасуда;
- Қылмыстық іс ҚР ҚПК-нің 201-бабы бойынша тергеліп жатыр.
