Қазақстанның төтенше қызметтері апат кезінде жедел әрі кәсіби түрде қызмет етіп жатыр — Тоты Әмірова
Қазақстандағы тұңғыш ұшқыш әйел Тоты Әмірова Ақтау маңында болған ұшақ апатына қатысты пікір білдірді, деп хабарлайды Azattyq Rýhy.
«Ақтау қаласы әуежайының жанында Әзербайжан ұшағы апатынан кейінгі бір сағаттағы жұмыс бойынша Қазақстанның жергілікті органдарының үйлесімді әрі кәсіби жұмысын байқауға болады. Бұл жағдайдан тірі қалатын жолаушылардың санын осы мамандардың алғашқы көмегінің нәтижесі ретінде айтуға болады. Бұл қиын жағдайдағы ең маңызды адам – әуе кемесінің ұшу жетекшісі, ол апаттық сигнал алғаннан кейінгі алғашқы секундтарда қажетті қызметкерлерді, өрт сөндірушілерді, дәрігерлерді және басқаларды шақыру туралы шешім қабылдайды», — дейді Тоты Әмірова.
Оның айтуынша, қазірдің өзінде жедел желі іске қосылып, шұғыл жұмыс істеп жатыр.
«Қазірдің өзінде жедел желі ашылып, жолаушылар тізімі жарияланды, ақпарат минут сайын ашық түрде беріліп жатыр. Министрлер мен шенеуніктер шешім қабылдаудан қорықпайтынын көріп отырмыз. Бұл менеджерлердің жоғары біліктілігін көрсетеді. Ақтаулықтар қан тапсырып жатыр. Тірі қалғандар саны мейлінше көп болсын», — деп жазды ол.
Айта кетсек, бүгін Бакуден Грозныйға бет алған «Әзербайжан әуе бағыттары» компаниясына тиесілі ұшақ Ақтау маңында құлап түсті. Бортта 42 Әзірбайжан, 6 Қазақстан, 3 Қырғызстан, 16 РФ азаматы болған.
