Главное
«Қазақстаннан кетеміз-ау»: салық комитеті Тәуекел Мүслімнің екі жылғы ақшасының есебін сұратқан
Мемлекеттік кірістер комитеті блогерлер мен өнер адамдарына салықтық міндеттемелер бойынша хабарлама жіберуді жалғастырып жатыр. Бұл жолы актер, тележүргізуші Тәуекел Мүслім Алматы қаласы, Алмалы ауданы бойынша мемлекеттік кірістер басқармасына шақырту алғанын мәлім етті, деп хабарлайды Azattyq Rýhy.
« 2022-2023 жылдарға қатысты банктен 5000 теңгеден жоғары қандай ақша түсті, соның бәріне есеп бер деп жатыр. Кімнен түсті, не үшін түсті – соның бәрін сұрап отыр. Сөзім жоқ. Бұл тек 2022-2023 жылдар, алда 2024-2025 жылдары да тұр ғой. Не істейміз? Қазақстаннан кетеміз-ау», – деп жазды актер Instagram stories-те.
Соңғы уақытта Мемлекеттік кірістер комитеті әлеуметтік желі арқылы табыс табатын азаматтардың салық төлеу міндетін бақылауды күшейткен. Бұған дейін көптеген блогер, әншілер және актерлерге тиісті хабарламалар жіберілгені белгілі.
