Қазақстандықтардың қарызы кешірілуі мүмкін: Салық кодексіне бірқатар өзгеріс енгізілді
Еліміздің микроқаржы және коллекторлық ұйымдары қазақстандықтардың қарыздары кешірілуіне ықпал жасайтын болады. Мәжіліс депутаттары бірінші оқылымда салық заңнамасына тиісті өзгерістер енгізді. Бұл туралы Stan.kz ақпарат агенттігі хабарлайды.
Егер микроқаржылық ұйымдар қарыз алушылардың қарыздарын кешірсе, үш жылға салықтан босатылады. Бұл норма халықтың несие жүктемесін төмендетуге мүмкіндік береді деп күтілуде.
Сонымен қатар заң жобасы бірқатар басқа жаңалықтарды қарастырады. Атап айтқанда, жеке тұлғалар үшін салық есептілігінің жыл сайынғы нысанын тапсыру жеңілдетіледі.
Қазақстандық азаматтардың бұрын жасаған саудалары, сондай-ақ орындалған жұмыстары мен қызметтері үшін алған бонустары мен жеңілдіктерін салық салудан босату жоспарлануда. Қазақстан аумағында тұрақ орнын сатып пайда тапқандар да салықтан босатылады.
Сондай-ақ арнайы шоттарда жинақталатын және 18 жасқа толғаннан кейін оларға аударылатын ұлттық қордан балалардың табысына салық салынбайды. Осының арқасында әр баланың иелігіндегі жинақтардың 10 пайызы сақталады.
