Қазақстандықтар биліктегі жемқор шенеуніктердің кесірінен Қытаймен байланыс құрудан қорқады – Ермұрат Бәпи
Мәжіліс депутаты Ермұрат Бапи Қытаймен тығыз экономикалық байланыста елге төнер қауіп бар-жоғын айтты. Бұл туралы Stan.kzақпарат агенттігі хабарлайды.
Мәжілісмен әлемде бір елдің екінші елдегі жобаларға инвестиция құю тәжірибесі кеңінен таралғанын атап өтті.
«Әрине, қазақстандықтардың Қытайға қатысты белгілі бір фобиясы бар, сондықтан біз Қытайдан келетін барлық жобалар мен инвестицияға сақтықпен қараймыз. Біздің халқымыздың оған неліктен алаңдайтынын түсінуіміз керек, мұның бәрі сыбайлас жемқорлықтың кесірінен. Халық біздің шенеуніктер қазақтың мүддесін Қытайға сатып жібере ме деп қорқады. Бұл сондай-ақ саяси хабардарлықтың нашарлығы аясында орын алады. Біз көршілермен жұмыс істеп, серіктес болуымыз керек, басқа амалымыз жоқ», – деді Бапи.
Сондай-ақ Ермұрат Бапи елді экономикалық дағдарыстан үш сала – көлік инфрақұрылымын, құрылыс пен өнеркәсіпті дамытудың алып шығатынын баса айтты.
«Осыған байланысты Қытайдың осы салаларға инвестициясына оң көзқараспен қарау керек», – деді депутат.
ЖСДП депутаты Асхат Рахымжанов Қазақстан қазірдің өзінде Қытаймен өте тығыз қарым-қатынаста екенін айтты.
«Көптеген мұнай барлау компаниялары қытайлық компаниялар. Қытай біздің басшылыққа экономикалық қысым жасау арқылы өз еркін айта алады деп ойласаңыз, қателесесіз. Өйткені бізде өзара тиімді ұстанымдар бар. Қазақстанға жаңа технологиялар мен инвестиция қажет, ал Қытайға біздің өнімдеріміз керек», – деді депутат.
Рақымжанов қазір әлемде басқа елдерден абсолютті тәуелсіз болатын бірде-бір мемлекет жоқ екенін атап өтті. Бұл ретте мәжілісмен республикаға инвестиция құйып жатқан елдердің саяси шешімдерге ықпал ету мүмкіндігі болмас үшін Қазақстанға тәуекелдерді азайту қажеттігін баса айтты.
«Біз Қытаймен тепе-тең қарым-қатынас жасай аламыз. 2016 жылғы сценарийді жер митингісімен қайталау қаншалықты мүмкін екенін білмеймін. Бізді құлдық жағдайға әкелетін қосымша келісімдер болады деп ойламаймын. Өткен тәжірибені ескере отырып, ел басшылығы мұндай қадамдарға бармайды», – деді ол.
Еске сала кетейік, Президент Қасым-Жомарт Тоқаев ҚХР-да ресми сапармен жүр. Қытай төрағасы Си Цзиньпин «Бір белдеу, бір жол» бастамасының басталғанына 10 жыл толуына орай 140 елдің басшылары мен өкілдерін Бейжіңге шақырған болатын.
