Қазақстанда сот шешімдерін қайта қарайтын комиссия құрылмайды
Аталған бастаманы бұған дейін мәжіліс депутаттары көтеріп, комиссия құру мәселесін бас прокурор Берік Асыловтан өтінген еді, деп хабарлайды Ulysmedia.kz.
Қазақстанның бас прокуроры Берік Асылов сот шешімдерімен келіспейтін азаматтардың өтініштерін қарау үшін комиссия құру мәселесіне қатысты ресми жауабын жариялады. Оның айтуынша, Қазақстан Конституциясы сот төрелігін тек соттар нақты бекітеді. Сот билігі азаматтық, қылмыстық және өзге де заңмен белгіленген тәртіпте іске асырылады. Ал сот жүйесі Конституция мен конституциялық заңдар аясында ғана анықталады.
Бас прокурордың сөзінше, сот төрелігіне араласу заң бойынша қатаң жауапкершілікке әкеп соғады. Судьялар нақты істер бойынша есеп бермейді, олар тек Конституция мен заңдарға сүйеніп шешім қабылдайды. Конституция соттардың және олардың актілерін қайта қарауға құзыретті органдардың құрылуына тікелей тыйым салады.
СОТ ШЕШІМДЕРІ ҚАНДАЙ ЖАҒДАЙДА ҚАЙТА ҚАРАЛАДЫ
Сот шешімдеріне шағымдану мен оларды қайта қарау тәртібі қолданыстағы процессуалдық заңнамада нақты белгіленген. Қайта қарау тек сот жүйесінің өзінде жүзеге асады. Азаматтық-процестік кодекс (АПК), әкімшілік-процестік кодекс (ӘРПК), әкімшілік құқық бұзушылық туралы кодекс (ӘҚБтК) пен қылмыстық-процестік кодекске (ҚПК) сәйкес жүргізіледі.
Берік Асылов заңнаманы жетілдіруге және мемлекеттік органдар жұмысының ашықтығын арттыруға бағытталған бастамаларды қолдайтынын, бұл қадамдар азаматтардың құқықтарын қорғауға және демократиялық қағидаттарды нығайтуға ықпал ететінін жеткізген.
