Қазақстанда орнықты даму және айналмалы экономика бойынша жаңа жоба бастау алды
Қазақстанда пластикпен жауапты жұмыс істеуді ілгерілетіп, орнықты даму қағидаттарын қолдауға бағытталған «Smart Plastic Zone» жаңа жобасы іске қосылды. Жоба «Кока-Кола Қазақстан» ЖШС қолдауымен жүзеге асырылуда, негізгі атқарушылары — «GPI-Lab» ЖШС және GreenUrban қауымдастығы.
Жобаның мақсаттары мен міндеттері
Жоба бизнес пен Қазақстан халқына пластикпен жұмыс істеудің тұрақты әдістеріне көшіп, экологиялық, әлеуметтік және корпоративтік жауапкершілік (ESG) қағидаттарын ұстанудың қаншалықты маңызды екенін түсінуге көмектесуге бағытталған. Бұл дегеніміз кез-келген қатысушы — компания не жеке адам болсын, пластик қалдықтарын азайтуға үлесін қосып, экологиялық таза болашақты қолдай алады.
Номинациялар және жобаға қатысу
Кәсіпкерлер мен бизнес жобаға қатысуға өтініш беріп, екі номинацияның біріне үміткер бола алады:
- Smart Plastic Zone (Silver) — пластикті тұрақты пайдалануға қадам жасағандар.
- Smart Plastic Zone (Gold) — өз қызметінде экологиялық тәжірибені белсенді енгізетін экологиялық жауапкершілік саласындағы көшбасшылар.
Қатысу процесі GPI.KZ сайты арқылы өтініш беруді, растайтын құжаттарды тіркеу және тексеруден өтуді қамтиды. Тексеруден сәтті өткен үміткерлер «Smart Plastic Zone» белгісін алады, бұл ең жауапты және экологиялық таза бизнес үшін озат белгісі болып танылады.
Неліктен бұл бизнес пен халық үшін маңызды?
Жобаға қатысу қоршаған ортаны қорғаумен бірге бизнестің экологиялық саналы клиенттер арасындағы беделін арттыруға көмектеседі. Халық үшін бұл жеке пластикалық ізді азайтып, таза әрі тұрақты болашаққа бағытталған қозғалыстың бөлігі болу мүмкіндігі.
Жобаны кеңейту
Жобаның 2025 жылға арналған пилоттық қалалары – Астана, Алматы және Қарағанды. Пилоттық кезең сәтті аяқталғаннан кейін жоба бүкіл Қазақстанға таралатын болады. Бұл пластикалық іздерді азайтып, елдің болашағы үшін маңызды экологиялық стандарттарды сақтауға бағытталған бизнестің экожүйесін жасайды.
«Smart Plastic Zone» жобасы – Қазақстан үшін тұрақты болашақ құруға жасалған қадам, әрбір адам оның бір бөлігі бола алады. Бізге қосылып, планетаны сақтауға үлес қосыңыз!
