Госорганы
Қазақстанда киік саны 1,9 млн-нан асты
Биыл киіктердің үш популяция саны 597 мың басқа артты
![](https://matritca.kz/wp-content/uploads/2023/05/646c9540c9b3f286597675-780x470.jpeg)
Қазақстандағы киік саны 1,9 миллионнан асты, деп хабарлайды Azattyq Ruhy.
Экология және табиғи ресурстар министрлігі хабарлағандай, биылғы әуе санағы деректеріне сәйкес киіктердің үш популяция саны 597 мың басқа, яғни 45,3%-ға артты.
«Оның ішінде ең көбі – Орал популяциясының саны 1,13 млн, Бетпақдала – 745 300, Үстірт-39 700 бас болып отыр», — дейді экологтар.
Естеріңізге сала кетейік, киіктердің санын анықтау мақсатында елімізде 15 сәуір мен 5 мамыр аралығында әуе санағы жүргізілді.
Аталған жануарларды санауға «Охотзоопром» ӨБ» РМҚК, Орман шаруашылығы және жануарлар дүниесі комитетінің аумақтық инспекция қызметкерлері, сонымен қатар Қазақстандағы биоалуантүрлілікті сақтау қауымдастығының ғылыми мамандары жұмылдырылған.