Социум
Қазақстанда алдағы үш күнде қар аралас жаңбыр жауады
![](https://matritca.kz/wp-content/uploads/2023/09/a22b4ea2ddea2d3dff176ee012483fe0c2b206f3-780x470.webp)
12-14 қыркүйекте республиканың көп бөлігінде күн құбылмалы болады, деп хабарлайды «Қазгидромет» РМҚ.
Синоптиктердің болжамынша, алдағы үш күнде Қазақстанда күшті жел соғып, күн күркіреп, жаңбыр жауады. 12 қыркүйекте республиканың солтүстік-батыс, солтүстік, орталық және шығысында нөсер жаңбыр жауады. Оңтүстік-шығыстағы таулы аудандарда түнде қар аралас жаңбыр жаууы мүмкін.
Солтүстік-батыста ауа температурасы күндіз 13-23 градустан 15-25 градусқа дейін, солтүстікте 10-15-тен 12-17 градусқа дейін, орталығында 10-23 градустан 12-23-ке дейін көтеріледі. Негізгі ауа температурасы күндіз батыста 18-25 градус, оңтүстікте – 22-30, оңтүстік-шығыста – 18-27, таулы аудандарда – 7-12 градус жылы болады.