Ақша
Қазақстанда 1,1 млн теңге жалақы сұраған ұшқыштар жұмыс таба алмай жүр
2024 жылдың қараша айында Электрондық еңбек биржасында 96,9 мың бос жұмыс орны және 91,7 мың түйіндеме жарияланды, деп хабарлайды Azattyq Rýhy.
Қазан айымен салыстырғанда бос орындар саны 22%, түйіндемелердің саны 14% азайған.
«Жұмыс берушілер ең жоғары жалақыны бас құрылысшыларға (орта есеппен 726 мың теңгеден бастап), өндіруші өнеркәсіптегі қызмет бастықтарына (шамамен 649 мың теңге) және диірменшілерге (шамамен 580 мың теңге) ұсынды. Жұмыс іздеушілер арасында ең жоғары жалақыны әзірлеу жөніндегі жобалардың басшысы (орта есеппен 1,3 млн теңгеден бастап), талдау қызметінің бастығы (шамамен 1,2 млн теңге) және ұшқыштар (шамамен 1,1 млн теңге) сұрады», — деп хабарлайды еңбек және халықты әлеуметтік қорғау министрлігінің баспасөз қызметі.
Жалпы, қараша айында еңбек биржасында іздеу және жалдау туралы сұраныстар азайған.
