Қазақстан Ресейден газ сатып алады – Энергетика министрлігі
2022 жылы ресейлік газ импорты 1 миллиард текше метрге дейін жетеді
Қазақстан биыл Ресейден 1 млрд текше метрге дейін газ импорттайды, деп хабарлайды LS.
Министрліктің ақпаратынша, осы жылы Қазақстанның ішкі нарығында газ тапшылығы күтілмейді.
Жалпы, 2022 жылы ресейлік газ импорты 1 миллиард текше метрге дейін жетеді. Келесі жылы Қазақстанға жеткізу үшін ресейлік газдың көлемі мен бағасы QazaqGaz ұлттық операторы мен «Газпром» арасындағы келіссөздер арқылы 2022 жылдың IV тоқсаны ішінде айқындалады.
«Ресей газының импорты жыл сайын Қостанай облысының тұтынушыларын газбен қамтамасыз ету үшін «Газпром»-мен айырбастау операциялары аясында жүзеге асырылады», — деп түсіндірді министрлікте.
Министрлікте газ импорты өзара тиімді шарттарда ішкі қажеттіліктерді жабу үшін қосымша көз түрінде қарастырылатынын атап өтті. Бұл ел ішінде тұтынудың жыл сайынғы өсуіне байланысты, өз кезегінде бұл өңірлерді газдандыруға, газ химиясы жобаларын іске асыруға, маневрлік газ генерациясына және ірі өнеркәсіптік объектілерді көмірден газға ауыстыруға байланысты болмақ.
Саланың дамуы туралы айта келе, Энергетика министрлігі Қазақстан ішкі нарықтың қажеттілігін меншікті көгілдір отынмен толық қамтамасыз ететініне қарамастан, баға белгілеу мәселесі тежеуші фактор болып табылатынын түсіндірді.
Сондықтан саладағы жобалардың инвестициялық тартымдылығын арттыру үшін бағаның ынталандырушы формуласы және газды барлау және өндіру жобаларына преференциялар беру бойынша жұмыстар жүргізілуде.
Осы орайда 2022-2026 жылдарға арналған кешенді даму жоспары бекітілді, оған сәйкес көмірсутектің осы түрінің ресурстық базасын ұлғайту жоспарланып отыр.
