Энергетика министрлігі кезекті кеңес өткізді, онда бірыңғай сатып алушы мен электр энергиясының теңгерімдеуші нарығы жұмысы қорытындыланды. Ресейден электр энергиясын жеткізу туралы шарт жасасты, деп хабарлайды Stan.kz ақпарат агенттігі.
Министрлік электр энергиясын бірыңғай сатып алушы мен «Интер РАҚ» жария акционерлік қоғамы арасында электр энергиясын жоспарлы жеткізуге шарт жасасқаны туралы хабарлады. Бұл қажет болған жағдайда Ресей Федерациясының энергия жүйесінен электр энергиясын сатып алуды қамтамасыз етуге мүмкіндік береді.
«Бірыңғай сатып алушы мен теңгерімдеуші нарықтың жұмыс істеген 17 күніне жүргізілген талдау мен мониторинг электр энергиясының көтерме сауда нарығының субъектілері тұтынудың нақты көлемінен артық өтінімдер беретінін растады», — деп атап өтті Энергетика министрлігі.
Ведомство электр энергиясының көтерме сауда нарығы субъектілеріне электр энергиясын тұтыну көлемін сапалы болжау қажет екені туралы айтты.
«Сапасыз болжам қымбат импорттық электр энергиясын сатып алуға әкеледі, салдарынан бұл түпкілікті тұтынушы үшін тарифтің қымбаттауына әкелуі мүмкін», деді энергетика министрлігі.
Еске сала кетейік, 1 шілдеден бастап президенттің тапсырмасына сәйкес энергетика министрлігі электр энергиясы нарығын реформалау бойынша салалық жұмыс жүргізді. Елде электр энергиясы нарығының жаңа моделін енгізу бойынша заңнамалық нормалар қабылданды.
