Қазақстан құрамасынан Жазғы Азия ойындарына қатысатын теннисшілер анықталды

Қытайдың Ханжчоу қаласында 23 қыркүйек – 8 қазан аралығында өтетін ХІХ жазғы Азия ойындарына қатысатын Қазақстан теннис құрамасы анықталды, деп хабарлайды ҚазАқпарат тілшісі.

Қазақстан теннис федерациясынан мәлім еткеніндей, Азия ойындарында барлығы 8 теннисші бақ сынайды.

Ерлер:

Денис Евсеев,

Бейбіт Жұқаев,

Дмитрий Попко,

Григорий Ломакин.

Әйелдер:

Жібек Құламбаева,

Гөзал Айнитдинова,

Аружан Сағындықова,

Жанель Рүстемова.

Еске сала кетейік, бұдан бұрын Юлия Путинцеваның Қытайдағы турнирдің ширек финалына жолдама алғанын жазған болатынбыз.